De Britto Super Forum

Silakin login atau mendaftar terlebih dahulu di De Britto Super-Forum Very Happy

Mop Pace Mace Papua, terus update

Topik sebelumnya Topik selanjutnya Go down

Mop Pace Mace Papua, terus update

Post by henokhaldebaran on Mon 30 May 2011, 22:14

TUJU
Ini sa ada satu mop pace... ini tentang ada satu anak dorang pu nama "TUJU".... tapi dorang tara suka orang panggil dorang pu nama tuju.... jadi ada satu kali dorang pigi ke satu suanggi, dorang minta bapa suanggi kasih siapa orang panggil dorang tuju, kencing dan buang air di celana... Baru besok hari pu pagi, dorang pu bapa-mama panggil dorang "Tuju, kesini koe!" baru dorang bapa-mama buang air di celana... dorang pu teman, bapa guru, ibu guru, deng semua orang su kena hal itu...
satu kali ini Tuju sakit.. dia pu bapa deng mama bawa dia pigi ke bapa dokter... baru bapa dokter tanya, "Bapa, Ibu, koe pu anak pu nama siapa?" baru dorang pu bapa-mama takut sekali... baru ini bapa bilang ke mama, "Mace ko bilang sudah", dorang pu mama bilang, "Pace ko bilang sudah"... "aduh mace, ko bilang" "aih pace ko bilang sudah"
"Begini bapa, ibu, ini sa pu tempat praktek jangan ko orang bikin jadi tempat perang e... baru dorang pu nama sapa?", dokter kata. Baru Tuju pu bapa kata, "Dorang pu nama itu enam pu kaka delapan pu adik, dokter". baru itu dokter jawab, "Ooo Tuju, bilang dari tadi sudah, enak toh.." tapi sambil begitu dokter pu celana su basah, kuning2, sedikit cokelat., deng ada bunyi preettt...

PACE BIAK DENG PACE BATAK
Ada pace batak satu de tanya sama pace biak.. Pa kanapa orng biak marganya rumbiak, rumbewas, rumbekwan, rumkorem..
Trus pace biak de bilang sama pace batak : "kenapa Jadi ??"
Trus pace batak jawab : "Berarti orng Biak masih keluarga dgn Rumahkos....hahaha.."
Langsung pace biak de Marah trus de bilang baru kenapa or...ng batak marganya sitorus, sinaga, sitompul.., Berarti masih keluarga dengan Sikomo yang muka macam soa-soa..!!!"

PACE BELI KACAMATA
Satu kali Pace Wilfridus su stress.. kalau lia orang sedikit kabur atau tra jelas, karena dia pu mata su rusak, makanya dia pergi ke optic mo beli kaca mata..
Pelayan : "Siang pace, ada yang bisa di bantu?"
Yaklep: "sa pu mata su rusak, coba ko cari kaca mata yang pas kah..."
Pelayan : "pace su pernah pake kacamata kah?"
Yaklep: "Ohh..belum...."
Pelayan : "Kalu bagitu torang periksa dulu. Mari Pace, torang ke tampa periksa."
Pelayan : "Pace, ini huruf apa?" (sambil tunjuk tu huruf yang sediki basar)
Yaklep: "aduh… tra jelas..."
Pelayan : "Kalu huruf ini?" (Sambil tunjuk huruf yang lebih basar)
Yaklep : "Masih kurang jelas..."
Pelayan : "aduh.. pace ini sudah huruf yang paling besar. Coba lihat lagi huruf apa ini?" (sambil tunjung huruf yang basarnya sama deng piring)
Yaklep: "Sama saja...masih tra jelas"
Pelayan : (sambil garu-garu kapala karena bingung) "Kenapa dari tadi pace ko bilang tra jelas terus, baru bagaimana ini?"
Yaklep: "habis, sa tra pernah sekolah jadi, baimana sa mau tau itu huruf apa...?"

henokhaldebaran
Young Moderator
Young Moderator

Jumlah posting : 3
Reputation Reputation : 1
Points : 58
Join date : 30.05.11

Lihat profil user

Kembali Ke Atas Go down

Topik sebelumnya Topik selanjutnya Kembali Ke Atas

- Similar topics

 
Permissions in this forum:
Anda tidak dapat menjawab topik